"Барселона" келаси мавсумда Роберт Левандовски билан ҳамкорликни давом эттириш ёки эттирмаслик борасида ҳали бир қарорга келгани йўқ.

Ҳужумчининг амалдаги шартномаси 2026 йилнинг июнь ойи охирида ўз ниҳоясига етади. Sport хабарига кўра, польшаликнинг клубда қолиши қуйидаги омилларга боғлиқ: унинг жорий мавсумдаги рақобатчиси Ферран Торресга нисбатан ўйин даражаси; келаси ёзда юлдуз ҳужумчиларнинг бозорда мавжудлиги; мавсумни якунлаш пайтидаги молиявий ҳолат. Бундан ташқари, бундай обрўли ўйинчини йўқотиш кийиниш хонасидаги муҳитга қандай таъсир кўрсатиши мумкинлиги ҳам ҳисобга олинади.

Маълумотларга кўра, Роберт Левандовски аллақачон МЛСнинг "Чикаго Файр" клуби билан музокаралар олиб бормоқда, аммо ҳозирча якуний қарорга келгани йўқ.