"Барселона"нинг собиқ футболчиси Александр Глеб "ПСЖ" дарвозабони Матвей Сафоновнинг қитъалараро кубок финалида "Фламенго"га қарши ўйиндаги иштироки ва россиялик футболчининг пенальтилар сериясида тўртта зарбани қайтаргани ҳақидаги фикрлари билан ўртоқлашди.
"Ажойиб ютуқ! Чиройли! Сафонов - ажойиб дарвозабон. "ПСЖ" билан икки йил ичида олтита соврин - мақтовга лойиқ натижа", - дея Глебнинг сўзларини келтиради "Советский спорт" нашри.
Шу билан бирга, у Сафоновни захира дарвозабони сифатида кўриш мумкин эмаслигига ишонч билдирди. Глебнинг фикрича, россиялик ўз даражаси бўйича Европанинг энг кучли клубларидан биридаги биринчи рақамли ўринга тўлиқ мос келади.
