Душан Влаховичнинг келажаги ноаниқ бўлиб қолмоқда. Сербиялик ҳужумчининг "Ювентус" билан шартномаси якунланмоқда ва ёзда Влахович эркин агент сифатида бошқа жамоага ўтиши мумкин.
Transfer News Live нашрининг таниқли инсайдер Фабрицио Романо маълумотига таяниб хабар беришича, "Милан" 25 ёшли Влаховичга қизиқиш билдирмоқда, аммо ҳозирча келишувга эришилмаган.
Қайд этилишича, "Бавария" Влахович билан октябрь ойида алоқа ўрнатган, аммо кейин тўхтаб қолган. "Барселона" ҳам қизиқиш билдираётганди, аммо ҳозирча бу борада олдинга силжиш йўқ.
Жорий мавсумда 17 та ўйинда Душан Влахович 6 та гол урди.
