Дортмунднинг "Боруссия" клуби келаси ёзги трансферлар бозорида таркибини кучайтирмоқчи. Sport Bild хабарига кўра, "асаларилар" "Реал"нинг ёш ва умидли ҳимоячиси Виктор Вальдепеньясга қизиқмоқда.
Аввалроқ, 19 ёшли Вальдепеньясга "Арсенал" қизиқиш билдираётгани ҳақида хабарлар тарқалган эди.
Эслатиб ўтамиз, Виктор Вальдепеньяс ўтган ҳафта охирида "Реал"нинг асосий жамоаси сафида илк бор Ла Лигада "Алавес"га қарши ўйинда майдонга тушган эди. Футболчи ҳимояда бир нечта позицияларда - марказда ва чап қанотда ўйнашга қодир.
Дарвоқе, нуфузли Transfermarkt портали мутахассислари Вальдепеньясни 500 минг еврога баҳоламоқда.
