"Adidas" компанияси расмий сайтида «Ливерпуль» ва Миср терма жамоаси ҳужумчиси Муҳаммад Салоҳ учун махсус яратилган F50 моделидаги янги бутсаларни тақдим этди.
«Салоҳ мероси ва Қадимги Мисрнинг абадий тарихи илҳом манбаи бўлган бутсалар дизайни иероглифларнинг абадий рамзиятига таянади. У қумранг тусдаги мураккаб деталлар кўринишида тоза оқ асос устида ифодаланган. Жасур, бироқ минималистик дизайн Салоҳ ўйинини белгилаб берувчи портловчи тезлик, олдиндан айтиб бўлмаслик ва ҳужумдаги тартибсизликни акс эттиради», — дейилади компания матбуот релизида.
Африка миллатлар кубогида Миср "В" гуруҳида ЖАР, Ангола ва Зимбабве терма жамоаларига қарши баҳс олиб боради.
