"Бавария" дарвозабони Мануэль Нойер клубдаги сўнгги мавсумини ўтказаётган бўлиши мумкин.

Яқин вақтгача Мюнхен жамоаси сардори шартномасини 2027 йил ўрталаригача узайтиришига ишонишган эди, аммо ҳозир вазият унчалик аниқ эмас. Журналистлар Тоби Альтшеффл ва Кристиан Фалькнинг сўзларига кўра, янги шартнома эҳтимоли ҳозирда 50% га баҳоланмоқда, аммо вазият номаълумлигича қолмоқда.

Мануэль Нойер март ойи охирида 40 ёшга тўлади ва "Бавария" билан музокаралар тез орада бошланиши кутилмоқда. Фахрийнинг келажаги шу пайтгача номаълум бўлиб қолиши мумкин.

Бу мавсумда дарвозабон Венсан Компани жамоасида 20 та ўйинда майдонга тушиб, 21 та гол ўтказиб юборди.