"Манчестер Сити" ҳимоячиси Абдулқодир Ҳусанов "Ливерпуль"га ўтиши мумкин. Бу ҳақда "қизиллар"нинг собиқ футболчиси Мамаду Сахо хабар берди.
Унинг сўзларига кўра, "Ливерпуль" узоқ вақтдан бери ўзбек футболчисининг истеъдодини кузатиб келмоқда ва унга қойил қолмоқда. Агар "қизиллар" ҳимоячи учун тахминан 47 миллион фунт стерлинг таклиф қилса, бу клубни сотишга ундаши мумкин.
Абдуқодир Ҳусанов шу йилнинг январь ойида "Ланс"дан "Манчестер Сити"га 40 миллион евро эвазига қўшилган. Бу мавсумда ҳимоячи клуб сафида барча мусобақаларда тўққизта ўйинда майдонга тушди ва бирорта ҳам гол ура олмади.













