"Барселона" "Норвич Сити"нинг 15 ёшли ҳужумчиси Ажай Таваресни ўз сафига қўшиб олмоқчи. Бу ҳақда Goal.com нашри хабар бермоқда.
Манбага кўра, ёш футболчини Европанинг бир неча клублари, жумладан, "РБ Лейпциг" ва Дортмунднинг "Боруссия" клублари кузатиб борган. Шу билан бирга, "Барселона" энг қулай шартларни таклиф қилди ва трансферни тез орада якунлашни кутмоқда.
Таварес "Норвич Сити" U-18 жамоасида чап қанот ҳужумчиси сифатида ўйнайди. У клубнинг асосий таркибида расмий ўйинларда майдонга тушмаган, аммо июль ойида Голландиянинг "Волендам" клубига қарши мавсумолди ўйинида майдонга тушган. У 17 ёшгача бўлган Англия терма жамоаси сафида тўртта ўйин ўтказиб, гол ура олмади.
