"Милан"нинг собиқ чап қанот ҳимоячиси, ҳозирда "Ал-Ҳилол" шарафини ҳимоя қилаётган Тео Эрнандес трансферининг сабабини айтди. Француз "россонерилар" сафини тарк этиб, жорий йилнинг июль ойида Саудия Арабистонига кўчиб ўтган эди.
"Милан"дан кетишни истамадим. Раҳбариятдан қўнғироқ қилиб, агар кетмасанг, таркибдан чиқариб юборишларини айтишганда, мен қолишга тайёр эдим... Бу вазиятда бошқа иложим йўқ эди - янги клуб излашга мажбур бўлдим", - дейди 28 ёшли футболчи Gazzetta dello Sport нашрига берган интервьюсида.
Тео Эрнандес 6 йил давомида "Милан" шарафини ҳимоя қилган. А Серия гранди футболчини сотишдан 25 млн евро ишлаб олди.
