"Бавария"нинг собиқ футболчиси Франк Рибери Мадриднинг "Реал" жамоасига қарши ўйин ҳақидаги хотираларини сўзлаб берди.
"Эпизодлардан бирида мен Карвахалга зарба берган эдим, шундан сўнг Серхио Рамос ва Пепе майдонда мени ҳақиқатан таъқиб қила бошлашди. Ҳар сафар тўпга тегинганимда, улар гўё мени ўлдирмоқчи бўлгандек қарашарди. Ўша лаҳзада ўйин мен учун омон қолиш учун курашга айланиб қолди. Пепе тўпни эмас, мени таъқиб қиларди," - дея 2022 йилда фаолиятини якунлаган французнинг сўзларини келтиради Madrid Universal.
Франк Рибери 2007 йилдан 2019 йилгача "Бавария" шарафини ҳимоя қилган. Мюнхен грандининг таркибида собиқ қанот ҳужумчиси тўққиз марта Германия чемпиони унвонини қўлга киритди ва бир маротаба Чемпионлар лигасида ғалаба қозонди.
