Мадриднинг "Атлетико" клуби ҳужумчиси Антуан Гризманнга бошқа клублар қизиқиш билдирмоқда.
34 ёшли футболчини "Ал-Аҳли" (Саудия Арабистони), "Ал-Ваҳда" (БАА) ва "Шарлотт" (АҚШ) ўз сафига қўшиб олмоқчи - учала даъвогар ҳам аллақачон французга аниқ таклифлар билан чиққан, деб ёзади журналист Экрем Конур.
Вазиятни "Интер Майами", "Лион", "Ювентус" ва "Галатасарой" клублари ҳам кузатиб бормоқда.
Антуан Гризманнинг "Атлетико" билан амалдаги шартномаси 2027 йилнинг ярмигача мўлжалланган. Жорий мавсумда ҳужумчи саккизта гол урди ва бир марта жамоадошларига голли узатма берди, "матрасчилар" сафида барча мусобақаларда 24 та ўйинда майдонга тушди.
