Испания терма жамоаси собиқ форварди Альваро Негредо Криштиану Роналду ва Лионель Месси ҳақида фикр билдириб, улар фаолиятини чўққида якунлаш истагида эканини таъкидлади.
Негредонинг сўзларига кўра, футболчилик фаолиятини якунлаш ҳар доим оғир кечади, айниқса, бундай даражадаги футболчиларга. Негредонинг таъкидлашича, Роналду ҳам, Месси ҳам феноменал кўрсаткичларга эришган, аммо ғалаба қозониш ва энг яхши бўлиб қолиш истаги уларни ўйинларни давом эттиришга ундамоқда.
- Фаолиятни тугатиш ҳар доим ҳам осон эмас. Роналду ҳам Месси каби ақл бовар қилмайдиган даражада кўп гол урди. Якуний нуқтани қўйиш учун энг яхши вариант - соврин ютиш. Криштианунинг феъл-атворини билган ҳолда, у ўзининг сўнгги сўзини айтди деб ўйламайман," - дея испанияликнинг сўзларини келтиради Goal.
Роналду ҳозирда Саудия Арабистонининг "Ан-Наср" клубида, Месси эса МЛСнинг "Интер Майами" клубида тўп тепмоқда.
