"Челси" шанба куни сафарда "Ньюкасл" билан дуранг ўйнади - 2:2. Лондонликлар 0:2 ҳисобида ютқазаётганди, аммо 2 бор рақиб дарвозасига йўл топа олишди. "Аристократлар" сафидаги иккинчи голга Жоао Педро муаллифлик қилди, унга дарвозабон Роберт Санчес ассистентлик қилди.

Қизиғи, жорий чемпионатда голли ҳаракатлар бўйича "Челси" дарвозабони Санчес ҳужумкор ярим ҳимоячи Флориан Вирцни ортда қолдирди, "Ливерпуль" бу футболчи учун ёзги трансферлар вақтида 125 миллион евро тўлаганди (бу ҳали эҳтимолий бонусларсиз). Вирц ҳали ҳам АПЛ жорий мавсумида бирорта самарали ҳаракат қилгани йўқ, Санчес эса голли пасга эга бўлди.

Дарвоқе, "Transfermarkt" портали "Сандерленд" футболчисининг автогол вазиятида Вирц голли узатмани амалга оширган деб ҳисобламоқда. Ўшанда немис зарба бераётганди. Аммо АПЛ бундай ассистларни инобатга олмайди.