Мадриднинг "Реал" клуби ҳужумчиси Родриго "Севилья"га (2:0) қарши ўйиндан сўнг ўз фикрларини билдириб ўтди. Пойтахт гранди йилнинг сўнгги ўйинида Жуд Беллингем ва Килиан Мбаппенинг аниқ зарбалари эвазига рақибидан устун келди.
"Бўрондан кейин яна қуёш чиқади, ишончни сақлаб қолиш керак. Раҳмат, "Бернабеу." 2026 йилда кўришгунча," - деб ёзди 24 ёшли бразилиялик ижтимоий тармоқда.
Жорий йилда ОАВда Родригонинг бошланғич таркибдаги ўрнини йўқотиши туфайли "Реал"ни тарк этиши мумкинлиги ҳақида мунтазам равишда гапирилмоқда. Жорий мавсумда футболчи Хаби Алонсо жамоаси сафида барча мусобақаларда 21 та ўйин ўтказиб, 2 та гол ва 3 та голли узатмани ўз ҳисобига ёздириб қўйди.
