"Севилья" ярим ҳимоячиси Льюсен Агуме Мадриднинг "Реал" клубига қарши ўйиндаги ҳакамлик ҳақидаги саволга жавоб берди.
38-дақиқада "қаймоқранглилар" Жуд Беллингемнинг саъй-ҳаракатлари билан ҳисобни очган бўлса, 68-дақиқада меҳмонлар бир киши кам бўлиб қолди - Маркос Маркан иккинчи сариқ карточка орқали майдондан четлатилди. Учрашув якунида "Севилья" дарвозасига пенальти белгиланди ва уни Килиан Мбаппе голга айлантирди. Ўйин 2:0 ҳисобида якунланди.
- Ҳакамлик? Мен у ҳақда гапирмасликни афзал кўраман. Бу ўйинларда ҳар доим бир хил нарса содир бўлади. Биз тушунмайдиган кўплаб қарорлар мавжуд. Мен гапирмасликни афзал кўраман, чунки акс ҳолда... Мен яхшиси жим тураман," - дея Агуменинг сўзларини келтиради Madrid Zone.
