Август ойининг биринчи кунида клубимизга Осиё футбол конфедерацияси ходимлари ташриф буюришди.
ОФК делегациясининг ташриф режаси қитъамиз клубларини лицензиялашга қаратилган бўлиб, меҳмонлар “Бунёдкор” футбол клуби ва стадионини кўзчдан кечиришди.
ОФКнинг мусобақалар ўтказиш бўлими бошлиғи Бенжамин Тан ташриф бошида делегация аъзолари билан таништириб чиқди. Шундан сўнг ОФК томонидан қўйилаётган янги ва қатъи талаблар ҳақида маълумот берди. Йиғилишда, Бенжамин Тан қитъамизнинг клублар ўртасидаги энг нуфузли турнири – Осиё Чемпионлар лигаси мусобақасидаги муваффақиятли иштироки орқали яхши таниш бўлган жамоа билан яна учрашиб турганидан мамнунлигини таъкидлаб ўтди.
Меҳмонлар диққат билан клуб ҳужжатларини кўриб, “Бунёдкор” стадионининг барча имкониятлари билан яқиндан танишиб чиқишди.
- Ўзбекистондаги барча стадионлар яқин йиллар ичида “Бунёдкор”никидек бўлишини орзу қиламан, - дейди Бенжамин Тан.
ОФК вакилининг сўзларига кўра тез орада “Бунёдкор” стадиони “А” тоифага эга бўлади.
Комиссиянинг текширув жараёнидан туширилган суратларни ушбу ҲАВОЛА орқали томоша қилишингиз мумкин.
