Дортмунднинг "Боруссия" клуби 30 ёшли германиялик марказий ҳимоячиси Никлас Зюле клуб билан келаси ёзда якунига етадиган шартномасини узайтирмаслиги маълум бўлди. Қайд этилишича, футболчи жамоани тарк этишни афзал кўрмоқда.
Сўнгги маълумотларга кўра, ўтган ҳафтадаёқ футболчи ва Италиянинг "Милан" клуби вакиллари ўртасида учрашув бўлиб ўтган ва унда марказий ҳимоячини сотиб олиш масаласи муҳокама қилинган. Зюле А Серияга ўтиш эҳтимоли учун мутлақо очиқ ва камида 2028 йилгача мўлжалланган шартномага эга бўлмоқчи.
Transfermarkt маълумотига кўра, 30 ёшли ҳимоячининг айни дамдаги трансфер нархи 5 миллион еврони ташкил этади. Никлас бу мавсумда "Боруссия" сафида 5 та ўйинда майдонга тушди ва уларда футболчи битта голли узатмани амалга оширишга муваффақ бўлди.
