"Вильярреал" ярим ҳимоячиси Дани Парехо жамоаси "Барселона"га мағлуб бўлган Испания чемпионати ўйинини сарҳисоб қилди.
Тажрибали ярим ҳимоячи жамоасининг муносиб ўйинини қайд этди. Парехонинг сўзларига кўра, натижа майдонда, айниқса, биринчи бўлимда нима бўлганини акс эттирмайди.
"Жамоа кўрсатган ўйиндан фахрланаман, хурсандман ва мамнунман. Биринчи бўлимда пенальтини ҳисобга олмаганда, рақиб бизга ҳеч нарса таклиф қила олмади. Бизда эса танаффусга биттадан ортиқ тўп фарқи билан кетиш имкониятлари бўлди. Аммо ҳозир ҳаммаси бизга қарши кетаётгандек туюляпти," - деди футболчи.
Учрашув 21 декабрь куни бўлиб ўтди ва 2:0 ҳисобида каталонияликлар фойдасига ҳал бўлди.
