"Барселона" Ла Лига доирасидаги 2025 йилги сўнгги ўйинда сафарда "Вильярреал"ни 2:0 ҳисобида мағлуб этди.
Ўйиндан сўнг каталонияликлар бош мураббийи Ханс-Дитер Флик шарҳ берди.
"Ўйлайманки, бу йил биз кўп нарсага эришдик. Жамоа, менталитет, сифат - ҳаммаси юқори даражада. Мен учун ҳар доим энг муҳими машғулотлардир. Жамоа юқори сифат билан машқ қилаётганини кўрсам, хурсанд бўламан ва айнан шуни кўришни истайман.
Биз ҳар доим машғулотларда фаол ишлаймиз. Футболчиларнинг ҳеч бири: "Майли, бугун 70 фоиз ҳам етади," демайди. Йўқ - ҳар бир киши 100% кучини сарфлайди. Мен учун бу энг муҳими," - деди Флик журналистларга.
2025 йилда "Барселона" Испания чемпионати, Испания кубоги ва Испания Суперкубогида ғолиб чиқди.
