"Интер" ярим ҳимоячи Давиде Фраттезига нарх белгилади. 26 ёшли футболчини "Ювентус" ўз сафига қўшиб олмоқчи, бу ҳақда турли манбалар бир неча бор хабар берган. Нуфузли Sky Sport нашрининг ёзишича, туринликлар чиндан ҳам январь ойида "нерадзуррилар" хавбекини ўз сафига қўшиб олиш ниятида. "Интер"нинг позицияси оддий: футболчини қўлга киритмоқчи бўлганлар керакли маблағни - тахминан 30 млн евро сарфлашларига тўғри келади.

Давид Фраттесига даъвогарлар қаторида "Рома", "Наполи" ва Англия Премьер-лигаси вакиллари ҳам тилга олинди. Transfermarkt порталида италияликнинг тахминий нархи - 35 млн евро.