"Рома" "Манчестер Юнайтед" ҳужумчиси Жошуа Зиркзее трансфери устида ишлашда давом этмоқда.
Сўнгги вақтларда римликлар футболчи билан музокараларда олдинга силжишга муваффақ бўлди, дея хабар бермоқда инсайдер Фабрицио Романо. Нидерландиялик футболчи "бўрилар"нинг январь ойидаги устувор трансфер мақсади бўлиб турибди, бироқ "қизил иблислар" ҳали розилик бермагани учун битим тақдири ноаниқлигича қолмоқда. Инглиз гранди жароҳатлар ва футболчиларнинг Африка Кубогига кетиши туфайли ҳужумчини сақлаб қолишга қарор қилиши эҳтимоли йўқ эмас.
Жошуа Зиркзе жорий мавсумда Рубен Аморим жамоаси сафида 11 та ўйинда майдонга тушиб, битта гол урди. 24 ёшли футболчининг Transfermarkt талқинига кўра, нархи 25 млн еврони ташкил этади.
