"Ливерпуль" ҳужумчиси Александр Исак яқин орада жамоага ёрдам бермайди.
Швециялик форвард шанба куни Премьер-лигада "Тоттенхэм"га қарши ўйинда (2:1) жароҳат олди. Журналист Девид Орнштейннинг ёзишича, "Ливерпуль"нинг хавотирлари ўз тасдиғини топмоқда: барчаси ҳужумчининг оёғида синиш борлигини кўрсатмоқда. Тез орада 26 ёшли футболчи қўшимча текширувлардан ўтади, бу катта эҳтимол билан ташхисни тасдиқлайди. Бундай жароҳатлардан кейин тикланиш одатда бир неча ой давом этади.
"Ливерпуль" Александр Исакни жорий мавсум бошида "Ньюкасл"дан 145 млн еврога сотиб олган эди. Футболчи Арне Слот жамоаси сафида 16 та ўйинда 3 та гол ва 1 та голли узатмани амалга оширган.
