Мадриднинг "Атлетико" клуби форварди Жакомо Распадори ярим йилдан сўнг яна ватанига қайтиши мумкин.
"Матрасчилар" италиялик футболчи бўйича "Рома" билан музокаралар олиб бормоқда, дея хабар бермоқда инсайдер Николо Скира. Римликлар 25 ёшли футболчини кейинчалик сотиб олиш имконияти билан ижарага олмоқчи. Ҳужумчига 2030 йилгача мўлжалланган шартнома таклиф қилинган.
"Атлетико" август ойида "Наполи"дан 22 млн евро эвазига Жакомо Распадорини сотиб олганди. Футболчи Диего Симеоне жамоаси сафида барча мусобақаларда 14 та ўйинда майдонга тушиб, 2 та гол урган ва 3 та голли узатмани амалга оширган. Мадридликларнинг асосий таркибида "Сассуоло" тарбияланувчиси атиги 4 марта майдонга тушди.
