«Реал» ва «Манчестер Юнайтед» жамоалари Криштиану Роналду трансфери борасида музокараларда олдинга силжишга эришди, деб ёзади «Daily Star».
Манбанинг маълум қилишича, «Юнайтед» футболчи учун 80 миллион фунт стерлинг тўлаш ниятида. Бу борада якуний қарор 12 кун ичида чиқиш керак. Роналдунинг ўзи ҳам Англияга қайтишдан хурсанд бўлишини айтгач, манчестерликлар бу масалага янада фаол киришишган.
«Реал» 2015 илда шартномаси тугайдиган футболчи билан битимни узайтира олмагач, уни вақтида сотиб юбориш фикридан ҳам воз кечгани йўқ. Бир йилдан кейин Роналдунинг баҳоси яхшигина пасайиши мумкин.
Роналдунинг «МЮ»га қайтишини хоҳлаши «Реал»нинг Гарет Бэйлни сотиб олишга бўлаётган уринишлари ҳам сабаб бўлмоқда. Уэльслик футболчи сотиб олинса, бу мухлисларга ҳам ёқиб тушиши шубҳасиз. Бу ҳолатда Роналдунинг Англияга қайтиши ҳам осон кечиши мумкин бўлади.