Мадриднинг "Реал" клуби собиқ ҳужумчиси Предраг Миятович бразилиялик вингер Винисиус Жуниорнинг "қироллик клуби" билан шартномаси ҳақида фикр билдирди.
"Клуб ҳар доим биринчи ўринда бўлиши керак, футболчи эмас. "Реал" дунёдаги энг катта клуб. Агар Жуниор янги шартнома имзолашни хоҳламаса, уни сотиши керак. У Мбаппе ёки Месси каби шартномани талаб қиляптими? Бу фақат Винисиус шартномани узайтиришни истамаётганини англатади," - дея Предрагнинг сўзларини келтиради AS.
Жорий мавсумда бразилиялик футболчи 24 та учрашувда қатнашиб, бешта гол ва саккизта голли узатмани ўз ҳисобига ёздириб қўйди. Унинг "қаймоқранглилар" билан шартномаси 2027 йил июнь ойи охирида тугайди.
