Madridning "Real" klubi sobiq hujumchisi Predrag Miyatovich braziliyalik vinger Vinisius Juniorning "qirollik klubi" bilan shartnomasi haqida fikr bildirdi.
"Klub har doim birinchi o‘rinda bo‘lishi kerak, futbolchi emas. "Real" dunyodagi eng katta klub. Agar Junior yangi shartnoma imzolashni xohlamasa, uni sotishi kerak. U Mbappe yoki Messi kabi shartnomani talab qilyaptimi? Bu faqat Vinisius shartnomani uzaytirishni istamayotganini anglatadi," - deya Predragning so‘zlarini keltiradi AS.
Joriy mavsumda braziliyalik futbolchi 24 ta uchrashuvda qatnashib, beshta gol va sakkizta golli uzatmani o‘z hisobiga yozdirib qo‘ydi. Uning "qaymoqranglilar" bilan shartnomasi 2027 yil iyun oyi oxirida tugaydi.













