"Сантос" клуби юлдуз ҳужумчи Неймар борасида расмий баёнот берди. Душанба куни 33 ёшли футболчи тиззасидаги муаммо туфайли жарроҳлик амалиётини бошдан кечирди.
Операция муваффақиятли ўтди - Неймар ўзини яхши ҳис қилмоқда. Жарроҳлик амалиёти менискни даволаш учун артроскопия эди.
Тез орада Неймар касалхонадан чиқарилади ва реабилитация жараёнини бошлайди. Аввалроқ бразилиялик футболчи келаси ёзда Бразилия терма жамоаси сафида жаҳон чемпионатида иштирок этиш истаги ҳақида гапирганди.
Неймарнинг "Сантос" билан амалдаги шартномаси 2025 йилнинг охиригача мўлжалланган.
