"Реал" ҳимоячиси Дин Хейсенда чарчоқ ва босим туфайли муаммолар юзага келмоқда.
The Athletic хабарига кўра, Хейсен дам олиш етишмаслигидан энг кўп азият чеккан "Мадрид" футболчиларидан бирига айланди. Шанба куни "Сантьяго Бернабеу"да бўлиб ўтган "Севилья"га (2:0) қарши ўйинда 20 ёшли футболчига нисбатан мухлислар ҳуштакбозлик қилишди. Қайд этилишича, у ўйин давомида диққатини йўқотиб қўйган.
Ҳозир Хёйсенга босим ўтказилмоқда. "Борнмут"дан 50 миллион фунт эвазига ўтганидан бери у кутилганидек барқарор яхши спорт формасини кўрсата олмади, шунингдек у учта мушак жароҳати билан курашишга мажбур бўлди.
Футболчига яқин манбаларнинг айтишича, мухлислар унинг 2025 йилда жуда кўп ўйин ўтказиб (клуб ва терма жамоа учун 50та), қанчалик чарчаганини сезишмаяпти.
Шундай қилиб, Диннинг атрофидагилар унга жисмоний ҳолатини тиклаш учун вақт керак деб ҳисоблашади.
