Мюнхеннинг "Бавария" клуби хавбеки Конрад Лаймер якунланаётган йил якунларига кўра Австриянинг энг яхши футболчиси деб топилди. Бу ҳақда мамлакат футбол иттифоқи матбуот хизмати хабар бермоқда.
Овоз бериш жараёнида ярим ҳимоячи 51 балл тўплаб, ишончли ғалабага эришди. Иккинчи поғонани "РБ Лейпциг" хавбеки Кристоф Баумгартнер (16), учинчи поғонани эса "Црвена Звезда" форварди Марко Арнаутович (15) эгаллади.
"Мукофотни олиш мен учун катта шараф. Бу олдинга интилишда давом этиш учун рағбатдир," - деди Конрад.
Бундеслиганинг жорий мавсумида 28 ёшли ярим ҳимоячи 14 та ўйин ўтказиб, 2 та гол урди ва 3 та голли узатмани амалга оширди.
