"Монако" клуби испаниялик вингер Ансу Фатининг ижара муддатини узайтирмасликка қарор қилди. Ёш футболчи ижара муддати якунлангач, катта эҳтимол билан "Барселона"га қайтади. Бундай қарорга келишининг асосий сабаби футболчининг доимий жароҳатлари бўлиб, бу "Монако"нинг унинг хизматларидан воз кечишида асосий омил бўлди. Бу ҳақда BBC ва The New York Times билан ишлайдиган журналист Ромен Молинага таяниб, Dailysports хабар берди.
Манбага кўра, Фатининг "Монако"даги тақдири амалда ҳал бўлган. Клуб 23 ёшли испаниялик футболчининг жароҳатларга мойиллиги ва шартномадаги юқори талабларни инобатга олиб, уни ўз сафида қолдирмасликка қарор қилди.
Ансу Фати ўтган ёзда "Монако"га бир йил муддатга ижарага берилганди. Клубдаги фаолияти давомида у 14 та ўйинда майдонга тушиб, 6 та гол урган. Бироқ, шу йилнинг декабрь ойида у тизза ости пайидан жароҳат олган ва у ҳали ҳам тикланмоқда. Унинг майдонга қайтиш муддати номаълумлигича қолмоқда.
