"Ан-Наср" ҳужумчиси Криштиану Роналду Қизил денгиздаги овлоқ ороллардан бирида иккита вилла эгасига айланди, дея хабар бермоқда қурувчи Red Sea Global сайти.
Нужум курортидаги қароргоҳга фақат катер ёки гидросамолётда бориш мумкин. Ороллар материкдан 26 км узоқликда жойлашган.
"Биз биринчи ташрифимизданоқ орол ва унинг табиий гўзаллиги билан боғлиқликни ҳис қилдик. Бу биз ўзимизни хотиржам ҳис қиладиган жой. Энди бу ерда уйимиз бор экан, оиламиз билан вақтни тўлиқ хотиржамликда ўтказишимиз мумкин," - деди 40 ёшли португалияликнинг турмуш ўртоғи Жоржина Родригес.
Роналду "Ан-Наср" сафида 2023 йилнинг январидан буён тўп тепиб келмоқда. Ҳужумчи клуб сафида 117 та ўйинда майдонга тушиб, 104 та гол урган ва 21 та голли узатмани амалга оширган.
