"An-Nasr" hujumchisi Krishtianu Ronaldu Qizil dengizdagi ovloq orollardan birida ikkita villa egasiga aylandi, deya xabar bermoqda quruvchi Red Sea Global sayti.
Nujum kurortidagi qarorgohga faqat kater yoki gidrosamolyotda borish mumkin. Orollar materikdan 26 km uzoqlikda joylashgan.
"Biz birinchi tashrifimizdanoq orol va uning tabiiy go‘zalligi bilan bog‘liqlikni his qildik. Bu biz o‘zimizni xotirjam his qiladigan joy. Endi bu yerda uyimiz bor ekan, oilamiz bilan vaqtni to‘liq xotirjamlikda o‘tkazishimiz mumkin," - dedi 40 yoshli portugaliyalikning turmush o‘rtog‘i Jorjina Rodriges.
Ronaldu "An-Nasr" safida 2023 yilning yanvaridan buyon to‘p tepib kelmoqda. Hujumchi klub safida 117 ta o‘yinda maydonga tushib, 104 ta gol urgan va 21 ta golli uzatmani amalga oshirgan.
