Микки ван де Вен Александр Исакдан узр сўради. У швециялик форварднинг жиддий жароҳат олишига сабаб бўлганди.

"Ливерпуль" ҳужумчиси жароҳати туфайли "Тоттенхэм"га қарши ўйинни (2:1) охиригача давом эттира олмади. АПЛнинг 17-туридан ўрин олган ўйинда танаффусдан сўнг дарҳол захирадан майдонга тушган Исак 56-дақиқада ҳисобни очди. У Флориан Вирцнинг узатмасидан сўнг биринчи тегинишдаёқ зарба берди, шундан сўнг шведнинг тўпиғи "шпорлар" ҳимоячиси ван де Веннинг оёқлари орасида қолиб кетди.

Швецияликда болдир суягининг синиши билан боғлиқ жароҳат аниқланди, футболчи операция қилинди.

Исакнинг аниқ ташхиси маълум бўлгач, ван де Вен у билан боғланиб, кечирим сўради, деб ёзади The Times.