"Арсенал" марказий ҳимоячиси Вильям Салиба Англия Лига кубоги чорак финалидан ўрин олган "Кристал Пэлас"га қарши ўйиндан сўнг ўз таассуротлари билан ўртоқлашди.
Жамоалар асосий вақтда ўзаро голлар эвазига дуранг қайд этишди (1:1). Пенальтилар сериясида "канонирлар" 8:7 ҳисобида устун келди. Максенс Лакруанинг зарбасини дарвозабон Кепа Аррисабалага қайтарди ва "Арсенал"ни ярим финалга олиб чиқди.
"Топ-жамоага қарши қийин ўйин. Биламизки, "Кристал Пэлас" билан ҳар доим осон бўлмаган. Хатойимни ҳисобга олмаганда, биз яхши ўйин кўрсатдик, Кепа эса ажойиб эди. Афсуски, энг охирида гол ўтказиб юбордик, аммо у бизни пенальтилар сериясида қутқарди.
Ярим финалга чиққанимиздан жуда хурсандмиз. Умид қиламанки, биз ўтган мавсумда ярим финалдаги мағлубиятдан сабоқ чиқарганмиз", - деди Салиба Sky Sports’га берган интервьюсида.
Микель Артета жамоаси финал йўлланмаси учун "Челси" билан баҳс олиб боради.
