"Манчестер Сити" ва "Борнмут" жамоалари вингер Антуан Семеньонинг трансфери тафсилотларини муҳокама қилади.
"Шаҳарликлар" аллақачон футболчининг ўзини кўндиришга муваффақ бўлишган ва тез орада "гилослар" раҳбарияти билан келишувга эришилиши кутилмоқда. 25 ёшли футболчининг амалдаги шартномасида 65 млн фунт (деярли 75 млн евро) миқдорида товон пули белгиланган бўлиб, у 10 январга қадар амал қилади, аммо клублар битим тафсилотларига ўзгартириш киритиши мумкин. Инсайдер Фабрицио Романонинг ёзишича, "Манчестер Сити" трансфернинг айрим шартларини, жумладан, тўловлар таркибини ўзгартирмоқчи.
Антуан Семеньога "Манчестер Юнайтед" ҳам даъвогарлик қилганди, аммо ганалик Манчестернинг бошқа грандини афзал кўрди.
