"Ливерпуль" форварди Уго Экитике Англия Премьер-лигасининг жорий мавсумида саккизта гол урди ва битта голли узатмани амалга оширди. Бу билан француз қизиқарли рейтингда етакчиликни қўлга киритди, деб ёзади WhoScored.

Экитике гол+пас тизимида тўққиз очко жамғариб, АПЛда энг кўп голда қатнашаётган янги футболчига айланди. Француз ўтган ёзда "Айнтрахт"дан 95 млн евро эвазига "Ливерпуль"га ўтганди.

Энг кўп голда иштирок этган янги футболчилар учлигидан "Челси" вингери Жоао Педро ва "Ньюкасл" форварди Ник Вольтемаде ҳам ўрин олган - ҳар икки футболчи ҳисобида 8тадан очко бор.

Брайан Мбеумо ("Манчестер Юнайтед"), Доминик Калверт-Льюин ("Лидс"), Муҳаммад Қуддус ("Тоттенхэм") ва Райан Шерки ("Манчестер Сити") 7 очкодан жамғарди.