Ўз вақтида "Ливерпуль"ни бошқарган норвегиялик мутахассис Йон-Арне Риисе Юрген Клоппнинг келажаги ҳақида гапирди.
"Агар у ростдан ҳам қайтса, қандайдир терма жамоага мураббий бўлади, деб ўйлайман. Мен уни терма жамоа мураббийи сифатида кўряпман, чунки бу клубдаги каби оғир иш эмас," - дея экспертнинг сўзларини келтиради Goal.
Эслатиб ўтамиз, Клопп ҳозирда Red Bull компаниясининг футбол йўналиши раҳбари лавозимида ишлаб келмоқда. Бунгача германиялик мутахассис узоқ вақт давомида "Ливерпуль"ни бошқарган ва у билан 2019 йилда Чемпионлар лигасида ғолиб чиққан. Клопп Дортмунднинг "Боруссия" клубидаги фаолияти билан ҳам танилган.
