Германиялик таниқли футболчи Томас Мюллер Англия Премьер-лигасининг жорий мавсумида "Ливерпуль" сафида Флориан Вирцнинг ўйини ҳақида фикр билдирди.
Мюллернинг таъкидлашича, Вирц Англияга кўчиб ўтиб, келажаги борасида нотўғри қарор қабул қилган.
"У футбол нуқтаи назаридан "Бавария"га мослашиши осонроқ бўлиши аниқ эди, чунки у ўша лигада қолган бўларди," - дея футболчининг сўзларини келтиради Süddeutsche Zeitung.
Эслатиб ўтамиз, ҳужумкор ярим ҳимоячи ёзда Леверкузеннинг "Байер" клубидан "Ливерпуль" сафига қўшилган эди. Вирц мерсисайдликларга 125 млн еврога тушган. Англияда футболчи 22 та ўйинда майдонга тушиб, 6 та голли узатмани ўз ҳисобига ёздириб қўйган.
