Germaniyalik taniqli futbolchi Tomas Myuller Angliya Premyer-ligasining joriy mavsumida "Liverpul" safida Florian Virsning o‘yini haqida fikr bildirdi.
Myullerning ta’kidlashicha, Virs Angliyaga ko‘chib o‘tib, kelajagi borasida noto‘g‘ri qaror qabul qilgan.
"U futbol nuqtai nazaridan "Bavariya"ga moslashishi osonroq bo‘lishi aniq edi, chunki u o‘sha ligada qolgan bo‘lardi," - deya futbolchining so‘zlarini keltiradi Süddeutsche Zeitung.
Eslatib o‘tamiz, hujumkor yarim himoyachi yozda Leverkuzenning "Bayer" klubidan "Liverpul" safiga qo‘shilgan edi. Virs mersisaydliklarga 125 mln yevroga tushgan. Angliyada futbolchi 22 ta o‘yinda maydonga tushib, 6 ta golli uzatmani o‘z hisobiga yozdirib qo‘ygan.
