"Тоттенхэм" марказий ҳимоячиси Раду Дрэгушиннинг агенти футболчининг тез орада жамоани тарк этиши мумкинлигини истисно қилмаяпти.
23 ёшли футболчининг манфаатларини ҳимоя қилаётган Флорин Маня уни Англияда захира ўйинчиси бўлиш қониқтирмаслигини маълум қилди.
"Айни пайтда "Тоттенхэм" Радуни сотмоқчи эмас, аммо у кам ўйин амалиётига эга бўлса, турли вариантларни кўриб чиқамиз. Ҳозирча менга ҳеч ким қўнғироқ қилгани йўқ, лекин Англиядан қизиқиш борлигини биламан. Гап кичик клублар ҳақида кетмоқда, шунинг учун Италияга устунлик берилмоқда.
"Интер" ёзда марказий ҳимоячи қидиришини биламан. Агар Раду кўпроқ ўйнаши керак, деган қарорга келсак, улар билан боғланамиз. Балки Кристиан Кивунинг ўзи менга қўнғироқ қилар," - дея агент Дрэгушиннинг сўзларини келтиради GIFN.
Transfermarkt портали футболчининг нархини 22 млн еврога баҳоламоқда.
