"Барселона" ярим ҳимоячиси Фермин Лопеснинг фикрича, мағлубиятлар жамоани кучлироқ қилган.

Испаниялик футболчи "Реал" (1:2) ва "Челси" (0:3) билан ўйинлардаги муваффақиятсизликларни бурилиш нуқтаси сифатида қайд этди.

"Эл-класико" ва Лондондаги мағлубиятлар жамоа учун бурилиш нуқталари бўлди. Ҳар доим ютқазиш мумкин, аммо ўша ўйинларда биз ҳақиқатан ҳам идеалдан йироқ эдик. Ўшандан бери биз ривожланиб, ўтган мавсум даражасига қайтишга муваффақ бўлдик. Ҳозир бизда яхши ғалабалар серияси бор ва умид қиламанки, улар охиригача давом этади," - дея Ферминнинг сўзларини келтиради Barca Universal.

"Кўк-анорранглилар" "Челси"га йирик ҳисобда ютқазганидан сўнг қаторасига еттита баҳсда ғалаба қозонди.