Лозаннадаги спорт арбитраж суди 2007/08 мавсумда Украина чемпионатининг Харьковнинг "Металлист" ва Львовнинг "Карпати" клублари ўртасидаги ўйинни (4:0)келишилган деб топди ва ҳар икки клубни 25 минг доллар миқдорда жаримага тортиб, майдон эгаларини бронза медалидан маҳрум қилди.
Бундан ташқари,"Металлист"нинг спорт директори Евгений Красиков беш йил муддатга дисквалификация қилиб, бу вақт давомида унга ҳар қандай фаолиятни таъқиқлаб қўйди. Ушбу "қизиқ" ўйинда иштирок этган футболчилар ҳам қуруқ қолмадилар. Сергей Пшеничних, Николай Ишченко, Василий Кобин, Владимир Федоров ва Мачей Налепа каби ўйинчилар ҳар бири 20 минг доллардан жаримаа тортилиб, футболдан уч йилга четлаштирилди, бундан икки йили синов муддати ҳисобланади.
Таъкидлаш жоиз, "Карпати" президенти Пётр Диминский ва бош директори Игорь Дедишин бир йил муддатга шартли равишда дисквалификация қилиндилар.
