"Борнмут" вингери Антуан Семеньо замонавий футболдаги энг оммабоп саволга жавоб берди. Тез орада "Манчестер Сити"га кўчиб ўтиши мумкин бўлган 25 ёшли ганалик футболчи Криштиану Роналду ва Лионель Месси ўртасида танлов қилди.
- Месси, шубҳасиз. Роналдунинг ютуқларини асло камситмайман - у ақл бовар қилмас. Бу икки инсон эришган натижалар ажойиб, аммо мен Мессининг мухлисиман," - дея Семеньонинг сўзларини келтиради AlbicelesteTalk.
40 ёшли Криштиану Роналду айни дамда Саудия Арабистонининг "Ан-Наср" клубида, 38 ёшли Лионель Месси эса АҚШнинг "Интер Майами" жамоасида тўп тепмоқда.
