"Манчестер Юнайтед" қишки трансферлар ойнасида майдон марказини кучайтиришга уриниб кўради.
Клубдагилар ярим ҳимоядаги имкониятлар камлиги Рубен Аморимни анча чеклаб қўйганини тушунишади, шу боис муаммоли ҳудудни кучайтириш вариантларини фаол ўрганишмоқда, деб ёзади журналист Майк Киган. "Қизил иблислар" раҳбарияти январь ойида хавбек позициясига деярли ҳар қандай харид муваффақиятли бўлиши ва жамоани кучайтиришига ишонмоқда.
Миш-мишларга кўра, "МЮ" "Атлетико"дан Конор Галлахер ва "Ал-Ҳилол"дан Рубен Невеш номзодларига қизиқиш билдирмоқда.
Манкунианликлар Премьер-лига 17-туридан кейин турнир жадвалида еттинчи ўринни эгаллаб турибди.
