Янги мавсум олдидан катта мақсадлар қўйган “Сўғдиёна” таркибини кучайтиришда давом этмоқда.

Жамоа сербиялик тажрибали дарвозабон Никола Миркович билан келишувга эришди. Томонлар ўртасидаги меҳнат шартномаси 2026 йил якунига қадар мўлжалланган.

Никола Миркович профессионал фаолияти давомида Европа футболида яхши танилган бир қатор клублар сафида тўп сурган.

Жумладан: “Чукарички”, “Нови Пазар”, “Металаc”, “Добановци”, “Младост”, “Сондержиски” (Дания), “Атромитос Афина” (Греция), “Рад”, “Спартак”, “Звезда Градацаc”.

Дарвозабоннинг сўнгги клуби Сербиянинг “Чукарички” жамоаси бўлган.