Бир вақтнинг ўзида икки футболчи қишки трансфер ойнасида "Манчестер Сити"ни тарк этиши мумкин. Бу ҳақда M.E.N нашри хабар берди.

Манбага кўра, "шаҳарликлар" бош мураббийи Хосеп Гвардиола таянч ярим ҳимоячиси Кэлвин Филлипсга ортиқ ишонмаяпти. Клуб муносиб таклиф бўлса, футболчини қўйиб юборишга тайёр.

Шунингдек, "Манчестер Сити" сўнгги пайтларда тез-тез жароҳат олаётган Оскар Бобб билан ҳам хайрлашиши мумкин. Инглиз гранди вингерни ижарага беришга тайёр, аммо уни тўлиқ сотишни ҳам кўриб чиқади.

Жорий мавсумда Филлипс Лига кубогининг фақат битта ўйинида майдонга тушиб, 7 дақиқа ўйнади. Бобба барча турнирларда 15 та ўйинда майдонга тушди ва битта голли узатмани амалга оширди.