"Ювентус" вингери Кенан Йилдиз жамоада энг кўп маош олувчи футболчи бўлишни истамоқда.
La Gazzetta dello Sport хабарига кўра, 2029 йилда тугайдиган шартномани узайтириш бўйича музокаралар чоғида Йилдиз йилига камида 6 миллион евро сўрамоқда - ҳужумчи Жонатан Дэвид ҳам шунча маош олади. Амалдаги келишувга кўра, Кенан йилига 1,7 млн евро маош олади, "Ювентус" қўшимча бонуслар билан бир мавсум учун 4 евродан 5 еврогача таклиф қилди.
Бундан ташқари, Йилдизга келажак лойиҳаси бўйича кафолатлар керак - футболчи Италияда ҳам, еврокубокларда ҳам соврин ютишга қодир бўлган жамоанинг асосий ўйинчиси бўлишни истайди.
Қайд этилишича, "Ювентус" Йилдиз билан шартномани юқори маош эвазига камида бир йилга узайтиришни режалаштирмоқда. Шу билан бирга, 20 ёшли футболчи атрофидаги вазиятни "Реал" ва АПЛнинг бир қатор топ-клублари, жумладан, "Челси" ҳам кузатиб бормоқда.
