"Yuventus" vingeri Kenan Yildiz jamoada eng ko‘p maosh oluvchi futbolchi bo‘lishni istamoqda.
La Gazzetta dello Sport xabariga ko‘ra, 2029 yilda tugaydigan shartnomani uzaytirish bo‘yicha muzokaralar chog‘ida Yildiz yiliga kamida 6 million yevro so‘ramoqda - hujumchi Jonatan Devid ham shuncha maosh oladi. Amaldagi kelishuvga ko‘ra, Kenan yiliga 1,7 mln yevro maosh oladi, "Yuventus" qo‘shimcha bonuslar bilan bir mavsum uchun 4 yevrodan 5 yevrogacha taklif qildi.
Bundan tashqari, Yildizga kelajak loyihasi bo‘yicha kafolatlar kerak - futbolchi Italiyada ham, yevrokuboklarda ham sovrin yutishga qodir bo‘lgan jamoaning asosiy o‘yinchisi bo‘lishni istaydi.
Qayd etilishicha, "Yuventus" Yildiz bilan shartnomani yuqori maosh evaziga kamida bir yilga uzaytirishni rejalashtirmoqda. Shu bilan birga, 20 yoshli futbolchi atrofidagi vaziyatni "Real" va APLning bir qator top-klublari, jumladan, "Chelsi" ham kuzatib bormoqda.
