"Борнмут" марказий ҳимоячиси Маркос Сенеси "Барселона"га ўтиш вариантини маъқулламоқда.
"Кўк-анорранглилар" аргентиналик футболчига асосий даъвогарлардан бири сифатида кўрилмоқда. Сенеси трансферга қизиқиш билдирмоқда, бироқ "Барселона" ярим йилдан сўнг эркин агент сифатида қўйиб юбориладиган футболчи учун пул тўлашни истамаяпти, деб хабар беради Sport. Шу билан бирга, манбанинг таъкидлашича, Каталония клуби 28 ёшли футболчини ижарага олиши ва унинг амалдаги шартномаси бўйича барча маошини қоплаши мумкин, шунингдек, сезиларли даражада арзонлаштирилган нархда сотиб олиш ҳам истисно этилмайди.
Баъзи маълумотларга кўра, Маркос Сенесига Мадриднинг "Атлетико" ва "Ювентус" клублари ҳам қизиқиш билдирмоқда. Transfermarkt портали сентрбекнинг нархини 22 млн еврога баҳоламоқда.
