"Ювентус" марказий ҳимоячиси Федерико Гатти "Милан"нинг қишки трансферлар ойнасидаги мақсадларидан биридир.
"Россонерилар" "кекса синьора"га кейинчалик сотиб олиш имконияти билан ижара шартномасини таклиф қилишди, бироқ туринликлар раҳбарияти рад жавобини берди, дея хабар бермоқда журналист Даниэле Лонго. Айни пайтда "Ювентус" 27 ёшли футболчи билан хайрлашишни режалаштирмаяпти.
Аввалроқ, Федерико Гатти "Милан" ҳимоячиси Кони де Винтерга алмаштирилиши мумкинлиги ҳақида хабарлар тарқалган эди.
Гаттининг Transfermarkt сайтидаги тахминий нархи - 20 млн евро. Италиялик футболчининг "Ювентус" билан меҳнат шартномаси 2030 йилнинг ярмигача мўлжалланган.
